لە کتێبی پیرۆزدا هاتوە کە هەموو هەڵە دەکەین و پێویستمان بە شکۆی یەشوای مەسیحی پەروەردگارە.
باوەڕی مەسیح ئەو کەسانە لەخۆ ناگرێ کە خراپە بۆتە پرەنسیپ و ئاکاریان بۆیە خودا داوا دەکات کە پیرۆزبین.
لێرەدا دەڵێین مرۆڤ یەک ڕووی هەیە بۆیە ناکرێ ڕوو لە دوو ئاڕاستەی جیاواز بکات،جا ئەوەی ڕووی لە خراپە بێت خراپە لەناوی دەبات و دەمریت بەڵام ئەوەی ڕووی لە چاکە بێت لە مردن ڕزگاری دەبێت لەبەر ئەمە ڕوو دەکەینە مەسیح و تۆبە دەکەین لە ئاڕاستە کۆنەکەمان دەبین بەمرۆڤێکی نوێ لە مەسیحدا .
یەشوای مەسیحی پەروەردگار ڕایگەیاندووە ئەگەر تۆبە نەکەین لەناو دەچین و لەناوچون لێکەوتەی تۆبە نەکردنە،لە کتێبی حزقیال خودا دەڵێ (من بەمردنی هیچ کەس دڵخۆش نابم جا تۆبە بکەن و بژین)خودا لێرەدا پێمان دەڵێ کە دڵتەنگ دەبێت بە لەناوچونی ئێمە ،ئەو لەناوچونەش بڕیاری ئێمەی مرۆڤ خۆمانە.
لە دەرئەنجامی تۆبە کردن کارەکانمان دەبن بەکاری زیندوو هەروەها ئەوکارانە ڕاستی و پیرۆزی بیرکردنەوە و ویستمان دەردەخات کە لەناحەوە پەیوەست و پابەندین بە مەسیحەوە ،دەبین بە ئاوێنەی شکۆی مەسیح و ناخێکی ئارام و هێمن و ئاسودە و سەقامگیرمان دەبیت،لێردا ئەوە بەدەست دەهێنین کە خودا پێمان دەڵێت بەرهەمێکمان هەبێت شایستەی تۆبەکردنەکەمان بێت.
خۆشەویستان لێرەدا بۆمان ڕوون دەبێتەوە کە تۆبەکردن کردارە واتا بەجێ گەیاندن و بەکردارکردنی ویست و ڕاسپاردەکانی خودایە دەربارەی چاکە و پیرۆزبوون دەرئەنجامی ئەمانەش بەدەست هێنانی لێخۆش بوون و بێتاوان بوونە لە لایەن یەشوای مەسیحی پەروەردگارەوە.
تۆبە کردن یەکەم هەنگاوە بەرەو یەشوای مەسیحی پەروەردگار و هەموو ئەوانەی باسمانکرد دەبنە پێوەر بۆ ئەوەی مرۆڤ لەناخەوە بەڕاستی بزانێت کە تۆبەی کردوە یان نا
